20100312 Friday ( Sunrise = 06:39:18 Sunset = 19:05:06 )

'n Kouefront beweeg vandag oor die land in en bring 'n paar reënbuitjies oor die suidelike deel van die land.. maar nie veel in millimeters nie.... verder noord, soos in Vrystaat en noord daarvan, nog niks, net baie warm.

20100313 Saturday ( Sunrise = 06:40:07 Sunset = 19:03:45 )

Die Atlantiese hoogdruk beweeg nou suid onder die land in en voer koeler lug vanuit die suide oor land en aangesien die bolug steeds gedeeltelik onstabiel is, behoort daar 'n paar ligte reënbuitjies op die suidkus asook aangrensende binneland uit te sak... maar soos die vorige dag... nie veel in millimeters nie.... Die binnelandtrog beweeg vandag verder noord en kom in posisie om as draer van tropiese lug te dien... net genoeg om donderweeragtige wolke oor die Hoëveld te maak, maar nog nie genoeg vir neerslag nie.

20100314 Sunday ( Sunrise = 06:40:55 Sunset = 19:02:24 )

Iemand uit Hermanus het die volgende bestelling vir die Argus ingesit... "Reël asb. die weer vir die Argus as volg... lekker koel weer sonder wind - so 20 grade sal lekker wees en dan 'n sagte buitjie oor Chapmans Peak vir afkoel na die opdraand, maar moenie oordoen nie hoor, gladde paaie is gevaarlik"... en dan "As jy dit nie so reël nie, sal jy maar ongelukkig in my plek moet ry !"... Eish !... ek dink hierdie voorspeller het 'n probleem, want hy sal moet oefen, want die weer gaan net mooi teenoorgesteld van die bestelling wees... "Baie warm met sterkerige suidoostewind - so 32 grade oor Chapmans Peak vir ekstra uitdaging na die opdraand, maar moenie te vinnig ry nie hoor, hitte uitputting is gevaarlik"... enigste plek wat naby die Argus bestellinkie kom is in Port-Elizabeth se hoofstraat... Miskien het hulle by verkeerde hawestad afgelaai !.... ieder geval... sterkte, ons hoop net nie die martelpyp het die laaste sê nie.

20100315 Monday ( Sunrise = 06:41:43 Sunset = 19:01:02 )

Buiten ligte reënbuitjies oor die sentrale deel van die land en "slaggatweer" by Mpumalanga bly dit landwyd steeds mooiweer en baie warm... maar praat van "slaggatweer"... Ek was so liggies oor die vingers getik oor die waaghalsige stelling in die vorige voorspelling oor ons Staatsleiers wat slaggate moet koop en dan hul name daaraan moet koppel... maar iemand anders voeg toe by... Marthinus van Schalkwyk kan maar die grootste gat kry en Zuma die meeste gate.

20100316 Tuesday ( Sunrise = 06:42:31 Sunset = 18:59:40 )

'n Kouefront het intussen suid van die land verby geskuif sonder veel invloed op die weer, maar die Atlantiese hoogdruk rug baie gou suid onder die land in en voer gevolglik bietjie koue lug vanuit die suide oor land in met ligte reënbuitjies kuslangs van Agulhas reg deur tot Port Elizabeth... die aangrensende binneland daarvan kan dalk ook 'n paar druppeltjies kry maar net omdat die bolug gedeeltelik onstabiel is... enkele los donderselle kan steeds oor die Hoëveld en Mpumalanga ontwikkel.

20100317 Wednesday ( Sunrise = 06:43:19 Sunset = 18:58:18 )

Aanvanklik nog soos die vorige dag, maar later begin die Atlantiese hoogdruk oorneem deur boepens oor die oostelike deel van die land te maak m.a.w. dit word landwyd mooiweer, buiten die einste "boepens" wat vog oor die verre oostelike deel van Mpumalanga en Swaziland voer vir klammigheid daar.

20100318 Thursday ( Sunrise = 06:44:06 Sunset = 18:56:56 )

Die Atlantiese hoogdruk het nou Indiese hoogdruk geword maar voer steeds vog in oor die noordoostelike deel van die land... verder ontwikkel daar weer 'n trog van lae druk oor die westelike deel van die land met uiters warm weer oor die suide... later kom daar tropiese lug in sirkulasie wat beteken dat donderweeragtige wolke oor die Wes- en Suid-Kaap ontwikkel, maar nog nie genoeg om werklik neerslag te bring nie.

20100319 Friday ( Sunrise = 06:44:54 Sunset = 18:55:34 )

Die trog van lae druk oor die westelike deel van die land verbreed tot 'n punt waar die hele land uniforme lugdruk ervaar... ons kan dus landwye weer mooiweer verwag.

20100320 Saturday ( Sunrise = 06:45:41 Sunset = 18:54:11 )

Nog steeds die breë strook van enerse lugdruk oor land en die landwye mooiweer.

20100321 - 20100325

Voorlopig lyk dit nie of daar iets tussen die 21ste en 25ste gaan gebeur buiten die warm weer in die suide nie... na die 25ste egter kan dinge verander... ( Volgende voorspelling: Sondag 21h00 )... Vrae of kommentaar... weather@telkomsa.net.

Legend