Weather forecast for Hermanus for the next three days.
Properties and Real estate investment opportunities in Hermanus, Hermanus Heights,
Voëlklip, Northcliff,Kwaaiwater, Eastcliff, Hermanus Central,Westcliff,Onrus,Sandbaai,Vermont, Fisherhaven, Chanteclair and Hemel en Aarde.
More......
Accommodation Misty Beach Château Boutique Hotel....
Things to do Visit the beaches....
Soak up the sun or go for a long stroll on one of many beaches. Hermanus has kilometers of beach and sheltered coves, so however busy the summer season is, there is always a secluded cove or stretch of beach where visitors can escape the crowds. More......
Webhosting....
Webhosting, Domain name registration,
Email, 500 MB, SMS messaging,
Affordable High Quality More......
Day trips from Hermanus Robben Island....
Embark on a boat trip from Cape Town to Robben Island and visit Mandela's prison. More......
Op die oomblik is daar 'n bielie van 'n frontale sisteem op ons voorstoep (direk wes van die land), maar a.g.v. 'n sterkerige Indiese Hoogdruk aan die voorkant beweeg die oppervlak gedeelte van die front stadiger vorentoe, as die bolug gedeelte daarvan.... m.a.w. die vertikale helling van die front verander gedurig en kom op 'n stadium in die ideale posisie vir neerslag... met lekker harde reënbuie wat kan voorkom, maar dit sal afhang van waar presies die front op daardie stadium is... beste raaiskoot op die oomblik is dat dit iewers oor die Wes-Kaap of Boland gaan wees... oos van daardie punt sal die neerslag skerp afplat...
Op hierdie stadium bou alles op tot 'n klimaks, miskien antiklimaks, want die front beweeg steeds baie stadig vorentoe, terwyl die bolug gedeelte daarvan, soos hierbo beskryf ook nog vinniger vorentoe beweeg... die oomblik as die bolug gedeelte oos van die oppervlak gedeelte van die front kom, "stort" die hele gedoente ineen... probleem is net dat dit baie moeilik is om voortydig te bepaal waar dit gaan gebeur en wie presies die "stort" gedeelte daarvan gaan kry...
Met die dat die kouefront so stadig beweeg het a.g.v. die sterk Indiese hoogdruk aan die voorkant, veroorsaak dat die volgende klomp kouefronte opeenhoop soos motors agter 'n stadige vragmotor... met soortgelyke frustrasies ook, veral as jy reën wil hê en terselfdertyd so 'n ent weg van die westelike kusgebied is.... Nie dat dit 'n kettingotsing is nie, maar die frontjies haal mekaar in en vorm later 'n enkele kouefront wat dan oor die land begin beweeg... hierdie front kom so effens laer (suid) in en behoort so bietjie verder teen die suidkus ook reën te bring... net nog 'n ding... somtyds as motors "opdam" agter 'n stadige voertuig, kom jaag daar mos 'n duur Duitse motor van agter af by die hele lot verby met 'n allemintige spoed... Ek weet nie of dit dalk een van die frontjies is wat wil verby steek nie, maar die wind hier in die omgewing van Bettiesbaai tot Agulhas gaan behoorlik kook.
Die front is nou suidoos van die land, maar nou is dit die Atlantiese hoogdruk wat sy stempel op die weer begin afdwing in die sin dat dit suid onder die land begin inbeweeg en k~k~koue lug van baie vêr suid gaan haal om oor land in te voer... die bolug bly deurgaans onstabiel wat beteken dat daar 'n goeie kans vir neerslag is, en vir die eerste keer amper, kan die oostelike Overbergers ook 'n slag uitkyk vir reën.
Met die dat die Atlantiese hoogdruk koue lug van baie vêr suid gaan haal, daal die vriesvlak lekker laag, en kan daar nou sneeu van die Boland se berge af tot by die Oos-kaap se berge voorkom... dit mag wees dat die sneeu-lyn baie laag teen die hange lê.... sal Sondag weer kyk... verder gaan die wind, veral by Agulhas baie sterk waai.
Die Atlantiese hoogdruk bly min of meer in dieselfde posisie as die vorige dag, maar vandag glip daar 'n kouefront suid om die hoogdruk en skraap later suid van die land verby... in die proses word daar nog koue nat lug vanuit die suide oor land ingevoer...
Die Hoogdruk behou sy aanslag van vog, met soortgelyke weer as die vorige dag, maar die kans vir neerslag is baie minder aangesien die bolug stabiel begin word.
Op hierdie stadium het die hoogdruk oor land stelling ingeneem met landwye mooiweer.
20080713 - 20080717
Die hoogdruk hou 'n "mooiweersgreep" tot die 15de maar daar behoort weer 'n front so teen die 16de/17de deur te kom... ( Volgende voorspelling: Sondag 21h00 )... Vrae of kommentaar... weather@telkomsa.net...
